Daniel 4

Nebuchadnezzar in Singkung khat Mangman

1Kumpi Nebuchadnezzar,

Mite, minamte le kam tuamtuama pau leitung khempeuh a tengte tungah:
Daupaina lianpi tung ta hen!
2 A Sang Pen Pasian in kei tungah lim le a lamdang hong lahte note tungah kong gen nuam hi. ^a
3 Hong lah ama limte lian lua a,
ama nalamdangte thahat na lawmlawm e!
Ama kumpi-gam a kip tawntung kumpi-gam hi a;
ama ukna khang khat khit khang khat kizomsuak hi. ^b
4 Keimah Nebuchadnezzar ka kumpi inn sunga ka inn ah, nuamsa in ka om hithiat hi. 5Kei hong patausak mang khat ka man hi. Ka lupna tungah ka lup hithiat laitakin ka lungsim ah milimte le mangmuhnate hong suaka kei hong dipkuasak hi. 6Tua ciangin ka mang hong khiatsak dingin Babylon a mipilte khempeuh ka mai-ah hong puak nadingun thu ka pia hi. 7Mitphial-siamte, aisan-siamte, aksi-en siamte ▼

▼4.7 Ahikeh Chaldea-te

le khong-khai siamte hong pai uh a, ka mang ka gen hi. Ahi zongin kuamah in hong khiatsak thei lo uh hi. 8A nunung penin ka omna ah Daniel hong pai-a ka mang ka gen hi. (Amah pen ka pasian min tamin, a siangtho pasiante’ kha ama sungah om cihna-in Belteshazzar kici ahi hi.) ^d
9 Keimah in, “Mitphial siamte makaipa Belteshazzar aw, nangma sungah a siangtho pasiante kha omin nang adingin thuthuk a theih hak lua a om loh lam ka thei hi. Ka mangmat hih ahi hi, hong khiatsak dih in, 10ka lupna tungah ka lup hithiat kawma ka mangmuh hihte ahi hi: Ka khuadak leh leitung laizanga singkung khat a po ka mai-ah na om hi. Tua singkung sang mahmah hi. 11Tua singkung khangin gol mahmah a khauhin adawn in van a ban hi; leimongte panin kimu thei hi. 12A tehte melhoih a, gah pha mahmahin mi khempeuh in an-in a nei uh hi. Leitung ganhingte in a nuai beel uh a, huih lak vasate ahiang tungah a giak uh hi; ganhing khempeuh a gahin kivak uh hi. ^e
13 Ka lupna ah ka lup hithiat laitakin mangte ka mu-a ka khuadak leh, ka mai-ah vantung panin kamtaipa ▼

▼4.13 Ahikeh galvilpa tg. 17 le 23 ah zong

khat, a siangtho pa khat hong kumsuk hi. 14Amah nakpi-in kiko a, ‘Tua singkung phuk inla ahiangte heuh in; a tehte zutkhia inla a gahte thehthang in. a nuai-a ganhingte le a hianga vasate taikeksak in. 15Ahi zongin sik le sumngo tawh a kivial a bulpi le a zungte gamlaka lopate lak lei sungah tuaci omsak in. ^g
“‘Amah in vantung daituite thuakin kawt henla, leitunga singkung lopate laka gamsate tawh tengkhawmsak in. 16Ama ading a hun ▼

▼4.16 Ahikeh kumte tg.23,25 le 32 ah zong

sagih a khen mateng, a mihing lungsim kikhelsak henla, gamsa lungsim kiguan ta hen. ⁱ
17 “‘A nungta peuhmah in mihing kumpi-gamte tungah Sang Penpa a thupipen ahilam thei-in ama ut peuhpeuh tuate pia a mi niampente nangawn a ut leh amaute a uksak thei ahilam a theih nadingun kamtaipa in hih thukhensatna genkhia-a, a siangthote in hih thupiakna a pulaakkhia hi,’ ci hi. ^j
18 “Keimah Kumpi Nebuchadnezzar in hih mang ka man hi. Tu-in Belteshazzar aw, bang a cihnopna hiam hong gen dih in, ahang in, ka gam sunga mipilte khat beek in a khiatna gen thei lo uh hi. Ahi hangin nang sungah pasiante kha om ahi manin nong gen thei ding hi,” a ci hi. ^k

Daniel in Mang Khia

19 Tua ciangin Daniel (Belteshazzar zong a kici) tawmvei sung a lung-am seisai a, a ngaihsutna in patausak hi. Tua ciangin kumpipa in, ^l
“Belteshazzar aw, mang le a khiatna patauh ngaihsut kei in,” a ci hi. Belteshazzar in, “Ka topa aw, na mang pen na galte tungah tung henla a khiatna zong na langte tung tuzaw mai leh! 20Na muh singkung, khanga a lian mahmah, khauha a dawn in van a ban, leitung bupa a kimu thei, 21a teh melhoih mahmah in gahpha mahmah a, mite khempeuh in kivakna-a a neih, leitung ganhingte in alim beel a, huih lak vasate in a hiangte ah bu a tomna - 22singkung, kumpipa aw, nangmah na hi hi! Nangmah lian in na thakhauh a, na liatna in van a bat dongin a khang hi; na gam zai semsemin leitung khempeuh a huam hi. ^m
23 “Kumpipa aw, misiangtho kamtai khat vantung panin hong kumsuk na muh pen in, ‘Singkung phuk inla susia in, ahi zongin a bulpi nusia-in sik le sumngo-in vial in, a zungte gamsung lopa lak lei sunga nusia in. Amah vantung daituite-in kawtsak in; ama hun sagih vei a cin mateng gamsate bangin nungta hen,’ ci hi. ⁿ
24 “Kumpipa aw, hih pen a khiatna hih hi a, ka topa kumpipa langkhatah Sang Penpa thukip piaksa hih ahi hi: 25Mihingte lak panin nang hong kihawlkhia-in gamsate tawh na tengkhawm ding hi; ganhonte bangin lopa na ne dinga, vantung daitui-in na kawtgawp ding hi. Mihingte kumpi-gamte tungah Sang Penpa a thupipen hi-a, a piak nop khatpeuh a piak theih ahi hi, ci-a na theihtel mateng hun sagih sung na tuaci om ding hi. 26Singbulpi a zung tawh tuaci nusiat in, ci-a hong thupiak pen Vantung in a uk hi, ci-in na theihtel ciangin na kumpi-gam hong kipia kik ding hi, cih na ahi hi. 27Tua ahi ciangin kumpipa aw, kong gen bangin lungkimin hong mangin. A manin gamta in a kinengniamte tungah migitna tawh na mawhnate kipuahpha in. Tua bangin hi lecin na nopsakna kizomsuak ding hi,” a ci hi. ^o

Tua Mang Tangtung

28 Hihte khempeuh Kumpipa Nebuchad­nezzar tungah a piang hi. 29Tua khit kha sawm le nih ciangin Babylon kumpi-inn khumzangah kumpipa in a vak kawikawi kawmin, 30“Hih a lian Babylon keima kumpi inn dinga ka lamsa hi a, keima thahatna vangliatna tawh ka thupina minthanna dinga ka lamsa hi mawk lo hiam?” a ci hi. ^p
31 Tua banga a cih laitakin van panin aw khat ginga, “Kumpipa Nebuchadnezzar aw, hih in nang tunga hong tung ding thukip ahi hi. Na kumpi thuneihna hong kilakkhiatsak khin zo hi. 32Mite lak panin nang hong kihawlkhiamang dinga gamsate tawh na tengkhawm ding hi. Bawnghonte bangin lopa na ne ding hi. Mihingte kumpi-gam tungah Sang Penpa a thupipen hi-a, a piak nop khatpeuh a piak theih ahi hi, ci-in na theihtel mateng, hun sagih sung na tuaci om ding hi,” a ci hi.
33 Tua khit phetin Nebuchadnezzar tunga kigen thu a tangtung pah hi. Amah mihingte lak panin kihawlkhia manga, bawnghonte bangin lopa a ne hi. A samte muvanlai mul banga a po mateng le a cinte vasa khecin a bat dong vana daituite-in a kawt dimdem hi. ^q
34 Tua hun a bei ciangin keimah Nebuchad­nezzar van lamah ka dakto a, ka khuatheihna ka ngah kik hi. Tua ciangin Sang penpa ka phat-a a tawntunga nungta pa pahtawi-in a min ka thangsak hi. ^r
Ama ukna gam kip tawntung hi;
a kumpi-gam khang khat khit khang khat kizomsuak hi. ^s
35 Leitunga mite khempeuh
bangmah in kisim lo hi.
Amah in vantung vangliatna le
leitunga mihingte tawh
a lungkimna bangin a sem hi.
Kuamah in ama cih nial thei lo a, ^t
“Nang bang hih na hi hiam?” a ci thei kei hi. ^u
36 Tua hun mahin ka khuatheihna kei tungah hong tung kika, ka kumpi-gam minthan nadingin kei hong kipahtawina le thupinate kei tungah hong tung kik hi. Ka thudotte le ka uliante kei hong muak dingin hong kuankhia uh a, ka kumpi tokhom luah kikin a beisa hun sang nangawnin ka lianzaw hi. 37Tu-in keimah Nebuchadnezzar in vana kumpipa phat in, tawisangin ka minthangsak hi, bang hang hiam cih leh na khempeuh thumaanin sema, ama lampi khempeuh thutang ahi hi. Tua hi-a a kisatheite a niamkhiat thei hi.